• Ahmad Magdi

الموشن جرافيك بإختصار

مقدمــــة


مجال زي الجرافيك بكل اشكالة وانواعه عموماً محدش يقدر يختلف عليه، لأنه هوأكتر الطرق اللي بتلجأ ليها الشركات في إتمام وإعداد هيكلتها ، أوحتى أشخاص مستقلين بيستخدموه علشان يعبروا عن نفسهم ويوصلوا فكرة معينة عن شغلهم في ذهن الناس. والأهم ان المجال متنوع في شغله جداً، وده اللي بيوفر فرص لناس كتير يتعلموه ويقتحموا منه سوق العمل

والموشن جرافيك هو كل ما يُطلق علي الفيديوهات اللي بيتم صناعتها رقميًا وليس على أرض الواقع سواء كانت 2D أو 3D وبتختلف في أنواعها سواء كانت مشاهد لشخصيات بتتحرك وتتكلم أو تايبوجرافي (نصوص) أو غيرها. وممكن تكون تعزيز لمقطع فيديو موجود فعليًا على سبيل المثال التأثيرات التي بتُضاف للأفلام من مركبات فضائية أو دم أو انهيار مباني أو عوالم مختلفة وغيرها وأسمها التأثيرات البصرية واختصارًا بـ VFX . لكن غالبًا بنقول عليها موشن جرافيك إلى فيديوات قصيرة غالبًا بتصميم ثنائي الأبعاد.


مراحل العمل :

هتكلم في الجزئية التقنية اول ما يوصلك النص والصوت المسجل ، الخطوة الأولى هي التصميم والخطوة الثانية هي التحريك ، في بعض الشركات الكبيرة المتخصصة بيكون في فريق عمل كامل لإنتاج الفيديوهات وتنفيذها وبتتكون من ( كاتب محتوى - رسام - مصمم - معلق صوتي - مُحرك - مونتير ) وطبعا باختلاف اعدادهم علي حسب حجم الشركة أو المؤسسة . وانا هنا ان شاء الله هحاول اتكلم عن كل مرحلة ما عدى كتابة المحتوى والتعليق الصوتي لان دول حاجة تانية خالص غير المجالي الجرافيكي


1- التصميم :

أول حاجة بتبدأ تقسم النص لجُمل والجُمل دي بتبقي المشاهد الأساسية اللي هتشتغل عليها ، وبعد كدا بتبدأ ترسم الجمل والمشاهد دي برسوم ورموز تعبيرية والمرحلة دي بنسميها الــ (Storyboarding) بحيث أنك ترسم كل الأفكار اللي عندك في الورقة وتقدر تعدل وتضيف عليها زي مانت عاوز ، والهدف منها أنه عند انتقالك للخطوة اللي بعدها هتكون عارف انت هتعمل ايه بالظبط ومتكنش مُشتت في التصميم اللي هتصممه .

ثاني حاجة لازم كويس جدا في رسمة خطوطك وحدود الأوت لاين بتاعة واضحة وظاهرة بحيث ان تصميمك ورسوماتك لما تيجي تنيفذها ع البرامج تكون واضحة ومتسببش اي تشوف في الرسومات ،ولازم قبل ما تبدأ في الرسم تحدد بالتة الألوان بتاعتك اللي هتعتمد عليها وتكون الوان متناسقة مع بعضها ، ولازم توحد أسلوب تصميم الأيقونات والرسومات ، في بعض الشركات بيكون ليها بالتة ألوان خاصة بيها أو بتشتغل فيها في تصميماتها ومطبوعاتها أو الوان اللوجو بتاعها تقدر تشتغل بيها طبعا أو تقدر تعمل بالته جديدة بنفسك .

ثالث حاجة بعد ما بتحدد النقط اللي فاتت تبدأ تحول الرسومات دي الي رسومات رقمية أو رسمها علي برامج الرسم .. بسحب الرسومات دي " سكانر " أو تصوريها بالموبايل أي كانت الطريقة المتوفرة عندك " ودا طبعا لو مكنتش تمتلك جرافيك تابلت وبترسم علي الكمبيوتر مباشرة " وتحولها لرسومات " vector " علشان بعد كدا تبدا تدخلها علي برماج التحريك


2- التحريك :

بعد ما بتخلص مرحلة الاستوري بورد وبعدين مرحلة رسمه تبدأ تدخل الرسومات دي علي برامج التحريك، وفي مرحلة التحريك بتبدأ تستخدم الـ" voice over " أو ملف التعليق الصوتي .. اللي بتبدأ تعملة عملية تزامن مع الصورة والرسومات والرموز اللي تم رسمها مخصوص لكل مشهد وكل جملة


3- الإخرج :

الإخراج " المونتاج " هي اخر مراحل إنتاج فيديوهات الموشن جرافيك وفي المرحة دي بتبدأ تنسق ترتيب المشاهد بتاعتك وتبدأ تضيف تأثيرات انتقالية بين كل مشهد واللي بعده، وكمان بتضيف المؤثرات الصوتية والموسيقى الخلفية علشان تضيف عناصر جمالية وتشوقية وتبقي عناصر جاذبة للمشاهد لانه يكمل الفيديو للآخر .


الخاتمــــــة

ودي كانت نظرة عامة علي مجال الموشن جرافيك وكيفية صناعتة ومراحل انتاجة بشكل عام، وان شاء الله في المواضيع الجاية هبدأ أتكلم بشكل مفصل أكتر فيه وأيه أشهر البرامج المسخدمة في صناعة مجال الموشن جرفيك وأيه أنواعه حتى وصلا لكل تفصيلة صغيرة فيه

ولو حابب تعرف وتتعلم بشكل مباشر البرامج دي تقدر تدخل علي قناتي في اليوتيوب اللي بنزل فيها فيديوهات تعليمية لبرامج الموشن جرفيك من خلال اللينك دا

https://www.youtube.com/channel/UCOf-Pa6SHILcSsvfWl9PpMg/videos?view_as=subscriber





Follow me

© All rights are reserved by the owner and are subject to international information regulation laws.

Call

mob: 00201113270255

          00971506971650

  • Instagram - White Circle
  • LinkedIn - White Circle
  • White YouTube Icon
  • Facebook Clean